5 ႁူဝ်ၶေႃႈ ၵၢၼ်လဵပ်ႈႁဵၼ်းႁႂ်ႈဢွင်ႇမၢၼ် ထိုင်တီႈယိူင်းမၢႆလႆႈဝႆးၼၼ်ႉ လူဝ်ႇမီးမဵဝ်းသင်ၽွင်ႈ

ၶႅပ်းႁၢင်ႈ

မႂ်ႇသုင်ၶႃႈ ။ ဝၼ်းမိူဝ်ႈၼႆႉတေဢဝ်တင်း 5 ႁူဝ်ၶေႃႈ ဢၼ်ႁဝ်းလူဝ်ႇမီးဝႆႉပုၼ်ႈတႃႇတူဝ်ၸဝ်ႈၵဝ်ႇ ဢမ်ႇဝႃႈႁဝ်းတေႁဵတ်းလွင်ႈသင်ၵေႃႈယဝ်ႉ ပေႃးႁဝ်းမီးၼိုင်ႈၼႂ်းႁႃႈႁူဝ်ၶေႃႈၼႆႉၼႆၸိုင် ႁဝ်းတေၸၢင်ႈလႆႈဢွင်ႇမၢၼ် ၶႅမ်ႉလႅပ်ႈ ထိုင်ယိူင်းမၢႆႁဝ်းလႆႈဢမ်ႇႁၢင်ႉၼႆၶႃႈ ၊ ပေႃးၸိူင်ႉၼၼ်မႃးလူဢၢၼ်ႇ လႄႈလဵပ်ႈႁဵၼ်းတူၺ်းၸွမ်းၵၼ်ၶႃႈ ။

 

ၵၢၼ်လဵပ်ႈႁဵၼ်းႁႂ်ႈၸဵဝ်းမေႃဝႆး ႁဵၼ်းႁူႉလႆႈဝႆး ပွင်ႇၸႂ်ဝႆး ၼၼ်ႉ တေလႆႈမီး 5 ႁူဝ်ၶေႃႈၼႆႉၶႃႈ ။

1. ၶတ်းၸႂ် လႄႈဢဝ်ၸႂ်သႂ်ႇလွင်ႈဢၼ်ၸဝ်ႈၵဝ်ႇတိုၵ်ႉႁဵၼ်းသွၼ်ၼၼ်ႉယူႇ ။

လွင်ႈတၢင်းၶတ်း မီးတီႈလႂ် လွင်ႈၶႅမ်ႉလႅပ်ႈၵေႃႈ မီးတီႈၼၼ်ႉယဝ်ႉၼႆ ၵႂၢမ်းတႆးႁဝ်းလၢတ်ႈဝႆႉၼင်ႇၼႆယူႇၶႃႈလူး ၊ လွင်ႈၶတ်းၸႂ်ဢၼ်ဝႃႈၼႆႉ မီးလၢႆလွင်ႈယူႇ ၊ မိူၼ်ၼင်ႇ ပိူၼ်လၢတ်ႈဝႃႈႁႂ်ႈၶတ်းၸႂ်ၼႆၵေႃႈ ၶတ်းလၢႆလၢႆၵူၺ်း ပေႃးပူၼ်ႉၵႂႃႇၵေႃႈလိုမ်းပႅတ်ႈယဝ်ႉ ၊ ၶတ်းၸႂ်ဢမ်ႇမီးတီႈယိူင်းဢၢၼ်းဝႃႈ ဢၼ်တေပဵၼ်ၼၼ်ႉ တေဢၢၼ်းႁႂ်ႈပဵၼ်လွင်ႈတႄႉမႃးလႆႈ ၼႆၸိူဝ်းၼႆႉ ယွၼ်ႉလူၺ်ႈၶတ်းၸႂ်လၢႆလၢႆၵူၺ်း ဢမ်ႇမီးဢမ်ႇပႃးယိူင်းဢၢၼ်းလႄႈ ၸင်ႇဝႃႈဢမ်ႇထိုင်တီႈလႆႈၼၼ်ႉယဝ်ႉ ။

2. လဵပ်ႈႁဵၼ်းၼႂ်းၶၢဝ်းယၢမ်းဢၼ်တူဝ်ႈတၼ်းတႃႇသေႇ ။

ၵၢၼ်လဵပ်ႈႁဵၼ်း ၵၢၼ်ႁႃတၢင်းႁူႉပၢႆးပၺ်ႇၺႃႇၼႆႉ ဢမ်ႇလႆႈမီးမိုဝ်ႉယၢမ်း ၶၢဝ်းယၢမ်းမၵ်ႉမၼ်ႈဝႆႉဝႃႈ ႁဝ်းတေဢမ်ႇလႆႈလဵပ်ႈႁဵၼ်းၵူႈၶၢဝ်းယၢမ်းၼႆ ၊ ယွၼ်ႉၼၼ်လႄႈဝႃႈလဵပ်ႈႁဵၼ်းၼႂ်းၶၢဝ်းယၢမ်းဢၼ်ၸဝ်ႈၵဝ်ႇတူဝ်ႈတၼ်း ဢမ်ႇဝႃႈတေၸူဝ်ႈၵႅပ်ႉ ႁိုဝ်ႁိုင်ၼၢၼ်းၵေႃႈလီ ၸႂ်ႉတိုဝ်းၶၢဝ်းယၢမ်းႁႂ်ႈမီးၵႃႈၶၼ် လႄႈပဵၼ်ၽွၼ်းလီတႃႇတူဝ်ၵဝ်ႇဝႆႉၶႃႈ ။

3. တႅမ်ႈမၢႆဝႆႉၼႂ်းပပ်ႉလိၵ်ႈတႃႇသေႇ ။

လွင်ႈတႅမ်ႈမၢႆ မၢႆတွင်းဝႆႉၼၼ်ႉပဵၼ်လွင်ႈဢၼ်လီမဵဝ်းၼိုင်ႈ ၸွႆႈႁဵတ်းႁႂ်ႈႁဝ်းတွင်းၶိုၼ်းဝၢႆးလင် ယဝ်ႉၵေႃႈယင်းၸွႆႈပၼ်ႁႂ်ႈႁဝ်းၸဵဝ်းမေႃဝႆး ၶဝ်ႈၸႂ်ဝႆး လူၺ်ႈဢမ်ႇလူဝ်ႇတူၺ်းၶိုၼ်းၼႂ်းပပ်ႉလိၵ်ႈယဝ်ႉၵေႃႈဢၼ်ၼိုင်ႈ ၊ မိူဝ်ႈႁဝ်းလဵပ်ႈႁဵၼ်း လႄႈႁၼ်မႅၼ်ႈလွင်ႈဢၼ်ဢမ်ႇပွင်ႇၸႂ်ၼၼ်ႉ လူဝ်ႇလႆႈတႅမ်ႈမၢႆဝႆႉ သင်ဝႃႈဢမ်ႇမီးပပ်ႉလိၵ်ႈၸိုင် ၸႂ်ႉၽူင်း ၊ ၶွမ်ႊ ၸိူဝ်းၼႆႉပဵၼ်တီႈတႅမ်ႈမၢႆဝႆႉၵေႃႈလႆႈၼႆၶႃႈ ။

4. ၵႆႉလိုမ်ႉတူၺ်းၶိုၼ်းလွင်ႈႁဝ်းတႅမ်ႈမၢႆဝႆႉ ။

လိုမ်ႉတူၺ်းၶိုၼ်းဢၼ်ဝႃႈၼႆႉ ပဵၼ်လွင်ႈဢၼ်တေၸွႆႈႁဵတ်းႁႂ်ႈႁဝ်းတွင်းၶိုၼ်းလၢႆလွင်ႈ ဢၼ်ႁဝ်းတႅမ်ႈမၢႆဝႆႉၼၼ်ႉ လႄႈတေႁဵတ်းႁႂ်ႈႁဝ်းပွင်ႇၸႂ်ၶိုၼ်းဝႃႈ ႁဝ်းလႆႈႁဵၼ်းႁူႉလွင်ႈသင်လၢႆလၢႆဝၼ်းၼၼ်ႉ ပေႃးယဝ်ႉဢၼ်ႁဝ်းတွင်းလႆႈသေပိူၼ်ႈ ပဵၼ်လွင်ႈသင်ၼႆ ဢဝ်မႃးဝူၼ်ႉၶိုၼ်းသေ ထတ်သၢင်တူၺ်းၶိုၼ်းတူဝ်းၸဝ်ႈၵဝ်ႇၶႃႈ ။

5. လႅၵ်ႈလၢႆႈ ႁဵတ်းၸွမ်းၼင်ႇဢၼ်ၸဝ်ႈၵဝ်ႇယၢမ်ႈမေႃႁဵတ်း ။

ၵူၼ်းႁဝ်းၵူႈၵေႃႉ မီးၼမ်ႉၵတ်ႉ လႄႈပၢႆးဝူၼ်ႉဢၼ်ဢမ်ႇမိူၼ်ၵၼ်ၼၼ်ႉ ပဵၼ်လွင်ႈထမတႃႇယဝ်ႉ ပေႃးၸိူင်ႉၼၼ်ႉ ႁႂ်ႈႁဝ်းတေၵႂႃႇယိူင်ႈၵၼ် မိူၼ်ၵၼ်ၵူႈလွင်ႈၼၼ်ႉ မၼ်းပဵၼ်ဢမ်ႇလႆႈလႄႈ ယွၼ်ႉၼၼ်ႁႂ်ႈႁဝ်းၸႂ်ႉတိုဝ်းၸွမ်း လွင်ႈဢၼ်ၸဝ်ႈၵဝ်ႇ ယၢမ်ႈမေႃ မေႃလႅၼ်ႇ သေႁဵၼ်းႁူႉပႃးၼႆၸိုင် တေႁဵတ်းႁႂ်ႈႁဝ်းထႅင်ႈတိူဝ်းပၼ်လွင်ႈဢၼ်ႁဝ်းၶႂ်ႈပဵၼ်ၼၼ်ႉယဝ်ႉ ။

 

ၼႂ်း 5 ႁူဝ်ၶေႃႈဢၼ်ၸဝ်ႈၵဝ်ႇလႆႈလဵပ်ႈႁဵၼ်းႁူႉၵႂႃႇၼႆႉ ဢဝ်လွင်ႈတူဝ်ထူပ်းဢၼ်လႆႈၸႂ်ႉတိုဝ်းယဝ်ႉ လႆႈၽွၼ်းလီတႃႇတူဝ်းၶႃႈၶိုၼ်းလႄႈ လႆႈသိုပ်ႇပိုၼ်ၽႄႈပၼ်ၽူႈၸိူဝ်းတိုၵ်ႉတေႇလဵပ်ႈႁဵၼ်း ၸိူဝ်းဢၼ်ၶႂ်ႈႁူႉလွင်ႈဢၼ်သွၵ်ႈႁႃၸိူဝ်းၼၼ်ႉယူႇၼႆ သင်ဝႃႈႁဝ်းမီးတၢင်းၶတ်းၸႂ် မီးယိူင်းမၢႆ တဵမ်ထူၼ်ႈ မေႃတႅပ်းတတ်းၶၢဝ်းယၢမ်းၸဝ်ႈၵဝ်ႇၼႆၸိုင် ဝၼ်းၼိုင်ႈ ယိူင်းမၢႆ ယိူင်းဢၢၼ်း ဢၼ်ဝႃႈၼၼ်ႉၵေႃႈတေသုတ်းၶဝ်ႈမႃးႁႃႁဝ်း လူၺ်ႈႁဝ်းဢမ်ႇလႆႈႁိူဝ်ႉသင်ၼၼ်ႉယဝ်ႉၶႃႈ ။

လွင်ႈမိူၼ်ၵၼ် ။

ၶႅပ်းႁၢင်ႈ
19 လိူၼ်သိပ်း 2020   8
ၶႅပ်းႁၢင်ႈ
29 လိူၼ်ၵဝ်ႈ 2020   10
ၶႅပ်းႁၢင်ႈ
29 လိူၼ်ၵဝ်ႈ 2020   50
ၶႅပ်းႁၢင်ႈ
24 လိူၼ်ၵဝ်ႈ 2020   12
ၶႅပ်းႁၢင်ႈ
24 လိူၼ်ၵဝ်ႈ 2020   13