Beginning Phonics – သဵင်တႃႇငဝ်ႈၶၢမ်ႇပိုၼ်ႉ တွၼ်ႈ 01 – 02:  ၶေႃႈၵႂၢမ်းဢၼ်ႁဝ်းထုၵ်ႇလီဢၢၼ်ႇလႄႈမေႃဝႆႉၶႃႈ ။

ၶေႃႈၵႂၢမ်း ဢမ်ႇၼၼ် ( ထွႆႈၵႂၢမ်း ) ဢၼ်ဝႃႈၼၼ်ႉ ၵူႈၽႃႇသႃႇၵေႃႈ ႁူႉၵႃႈမီးၶေႃႈၵႂၢမ်းဢၼ်လၢတ်ႈႁင်းၽႂ်မၼ်းယူႇၶႃႈ ။ မိူၼ်ၼင်ႇၼႂ်းၽႃႇသႃႇတႆးႁဝ်းၵေႃႈၼၼ်  ၸဵမ်ဢၼ်ႁဝ်းလၢတ်ႈ ႁဝ်းႁဵတ်းသၢင်ႈ သေမဵဝ်း” ၵႂႃႇ ၊ ပႆ ၊ ၵိၼ် ၊ ၼွၼ်း  ၸိူဝ်းၼႆႉပဵၼ်ၶေႃႈၵႂၢမ်းၼိုင်ႈၶေႃႈ ဢၼ်ႁဝ်းမီးဝႆႉၶႃႈယဝ်ႉ ၊  ပေႃးၸိူင်ႉၼၼ်ႉၼႂ်းၽႃႇသႃႇဢင်းၵိတ်းၶဝ်ၵေႃႈမီးၶႃႈ ။

ၼႂ်းတွၼ်ႈၵၢၼ်ႁဵၼ်းႁူဝ်ၼႆႉ ၵိုင်ႇဢၢပ်ႈ မိူၼ်ၼင်ႇၽူႈတိုၵ်ႉလဵပ်ႈႁဵၼ်းၽႃႇသႃႇၵိတ်းမႂ်ႇ” ဢၼ်ပဵၼ်ပိုၼ်ႉၶၢမ်ႇ ၸိူဝ်းၼႆႉ ၊ ဢၼ်ၸဝ်ႈတေလႆႈႁဵၼ်းၼႆႉ ပဵၼ်းၶေႃႈၵႂၢမ်း ( ထွႆႈၵႂၢမ်း ) တႃႇၸႂ်ႉတိုဝ်းၼႂ်းၵၢၼ်လၢတ်ႈၼႆၶႃႈယဝ်ႉ ။  သင်ဝႃႈၽူႈႁဵၼ်းၶဝ်မေႃဢၢၼ်ႇလႄႈၶဝ်ႈၸႂ်ၶေႃႈၵႂၢမ်းၼႆႉမူတ်းယဝ်ႉၼႆၸိုင် ၊ ယုမ်ႇယမ်ဝႃႈ ၽူႈႁဵၼ်းၶဝ်လၢတ်ႈၵႂၢမ်းဢင်းၵိတ်းလႆႈယဝ်ႉ တႃႇပိုၼ်ႉၶၢမ်ႇတႄႉ ။

ဢၼ်ပႃႈၼိူဝ်ၼႆႉပဵၼ်ၶေႃႈၵႂၢမ်း သရ မႄႈၵပ်းငဝ်ႈ လႄႈ တူဝ်မႄႈလိၵ်ႈမၼ်းလေႃးၵၼ်  a, e, i, o, u, လေႃး t, f, m, b, g, c  ၼင်ႇႁိုဝ်ပေႃးတေႁႂ်ႈမၼ်းငၢႆႈတႃႇၽူႈသူၼ်ၸႂ်ႁဵၼ်းဢင်းၵိတ်းၶဝ်ၵူႈၵေႃႉၼၼ်ႉ ၸင်ႇလႆႈႁႃလၢႆးဢၼ်ငၢႆႈ” သေမႃးသွၼ်ပၼ်ၶႃႈယဝ်ႉ ၊ သင်ဝႃႈၽူႈႁဵၼ်းၶဝ်ဢမ်ႇပွင်ႇၸႂ်တီႈလႂ် တူဝ်လႂ်ၵေႃႈ ၶႂ်ႈထၢမ်ပၼ်တၢင်းႁၼ်ထိုင်ဝႆႉၼိူဝ်းၼႃႈၼႆႉလႆႈယူႇ ၊ ႁႂ်ႈၽူႈႁဵၼ်းၵူႈၵေႃႉတေလႆႈပွင်ႇၸႂ် လႄႈလႆႈတၢင်းႁူႉမိူၼ်ၵၼ်ၼႆၶႃႈ ။

ပိူင်တႅၵ်ႈ ၊

1. I am at home now. ( ဢၢႆဢႅမ်ဢႅတ်ႉႁူမ်ႊၼၢဝ်ႊ )

ၵဝ်ၶႃႈယူႇတီႈႁိူၼ်းမိူဝ်ႈလဵဝ် ။

2. i am not fat. ( ဢၢႆဢႅမ်ၼွတ်ႉၾႅတ်ႉ )

ၵဝ်ၶႃႈဢမ်ႇလႆႈပီး ။

 3. I don’t like a big dog. ( ဢၢႆၻူၼ်ႊလၢႆႉၶ်ဢပိၵ်ႉၻွၵ်ႉ )

ၵဝ်ၶႃႈဢမ်ႇၵျိူၵ်ႈမႃတူဝ်ယႂ်ႇ ။

 4. If i meet you, i will give you a book. ( ဢိပ်ႉၾ်ဢၢႆမိတ်ႊယူႊ ၊ ဢၢႆဝဵဝ်ႊၵိပ်ႉယူႊဢပုၵ်ႉၶ် )

သင်ၸိူဝ်ႉဝႃႈၵဝ်ၶႃႈထူပ်းႁၼ်သူ ၊ ၵဝ်ၶႃႈတေပၼ်သူပပ်ႉလိၵ်ႈၼိုင်ႈဢၼ် ။

 5. I like to play a game with my friends. ( ဢၢႆလၢႆႉထူၽေလ်ႊဢၵဵမ်ႊဝိတ်ႉမၢႆႊၾရႅၼ်ႊသ် )

ၵဝ်ၶႃႈၵျိူၵ်ႈလဵၼ်ႈၵဵမ်ႊၸွမ်းဢူၺ်းၵေႃႉၵဝ်ၶႃႈ ။

6. I don’t like to eat beef. ( ဢၢႆၻူၼ်ႊလၢႆႉထူဢဵတ်ႉပိပ်ႉၾ် )

ၵဝ်ၶႃႈဢမ်ႇလႆႈၵျိူၵ်ႈၵိၼ်ၼိူဝ်ႉဝူဝ်း ။

ပိူင်တႅၵ်ႈ 

လၢႆးၸႂ်ႉတိုဝ်းထွႆႈၵႂၢမ်းၸိူဝ်းပႃႈၼိူဝ်ၼႆႉၶႃႈ ။

1. The sun is very hot today. ( တိူဝ်ႊသျၼ်းဢိတ်းဝႄရိႁွတ်ႉထူၻေႊ )

မိူဝ်ႈၼႆႉၵၢင်ဝၼ်းမႆႈတႄႉတႄႉ ။

2. I am fine. ( ဢၢႆဢႅမ်ၾၢႆႊၼ် )

ၵဝ်ၶႃႈယူႇလီ ။

3. I do my homework today. ( ဢၢႆၻူႊမၢႆႊႁူမ်ႊဝျိူၵ်ႉၶ်ထူၻေႊ )

မိူဝ်းၼႆႉၵဝ်ၶႃႈႁဵတ်းၵၢၼ်ႁိူၼ်းၵဝၶႃႈ ။

4. I have a hat. ( ဢၢႆႁႅပ်ႉဢႁႅတ်ႉထ် )

ၵဝ်ၶႃႈမီးမၢၵ်ႇႁူဝ်ၼိုင်ဢၼ် ။

5. I need a help from you. ( ဢၢႆၼိတ်ႊဢႁဵဝ်ႉၽ်ၾရွမ်ႇယူႊ )

ၵဝ်ၶႃႈလူဝ်ႇတၢင်းၸွႆႈထႅမ်တီႈသူ ။

6. I have a fun of dreams. ( ဢၢႆႁႅပ်ႉဢၾၼ်းဢွပ်းၻရိမ်ႊသ် )

ၵဝ်ၶႃႈမီးတၢင်းသိူဝ်းၼႂ်းလွင်ႈၼွၼ်းၾၼ် ။

7. I will note your name. ( ဢၢႆဝဵဝ်းၼူတ်ႉယူႊဢႃႇၼဵမ်း )

ၵဝ်ၶႃႈတေတႅမ်ႈမၢႆၸိုဝ်ႈသူဝႆႉ ။

ၼႂ်းပိူင်တႅၵ်ႈတင်းမူတ်းၼႆႉ ၼႄပၼ်လၢႆးၸႂ်ႉတိုဝ်းၶေႃႈၵႂၢမ်းမၢင်ၶေႃႈသေ ၼင်ႇႁိုဝ်ၽူႈႁဵၼ်းၶဝ်ပေႃးတေဢဝ်ၶေႃႈၵႂၢမ်းမၢင်ၶေႃႈၸိူဝ်းၼႆႉ ၵႂႃႇၸႂ်ႉတိုဝ်းလႆႈတၢင်ႇတီႈၼႆၶႃႈ ၊  ၶေႃႈၵႂၢမ်းဢၼ်လႆႈဢဝ်မႃးသွၼ်ပၼ်ၼႆႉ မၢင်ၶေႃ ပဵၼ်ၶေႃႈၵႂၢမ်းဢၼ်ႁဝ်းၵႆႉၸႂ်ႉၼႂ်း ၵူႈဝၼ်းၼႆႉယဝ်ႉ ၊ မိူၼ်ၼင်ႇ  Do ( ၻူႊ ) ပွင်ႇဝႃႈ ”ႁဵတ်း” ၼႆယဝ်ႉ ပေႃးၸိူင်ႉဢမ်ႇဝႃႈႁဝ်းတေႁဵတ်းသင်ၵေႃႈယဝ်ႉ ပွင်ႇဝႃႈ ႁဝ်းၸႂ်ႉၶေႃႈၵႂၢမ်း Do ၼၼ်ႉတႃႇသေႇၶႃႈယဝ်ႉ ။